Тропарь Новомученикамъ Россійскимъ, гласъ 4-й:
Цвети россійскаго луга духовнаго/ въ годину лютыхъ гоненій дивно процветшіи:/ новомученицы и исповедницы безчисленніи;/ святителіе, царственніи страстотерпцы и пастыріе,/ монаси и мирстіи, мужіе, жены же и дети,/ добрый плодъ в терпеніи Христу принесшіи,/ молитеся Ему, яко насадителю вашему,/ да избавитъ люди Своя отъ безбожныхъ и злыхъ,/ да утверждается же Церковь Русская/ кровьми и страданіями вашими// во спасеніе душъ нашихъ.
Кондакъ, глас 2-й:
Новіи страстотерпцы Россійстіи, / исповеднически поприще земное претекшіи, / страданьми дерзновеніе пріимшіи, / молитеся Христу, васъ укрепившему, / да и мы, егда найдетъ на ны испытанія часъ, / мужества даръ Божій воспріимемъ. / Образъ бо есте лобызающимъ подвигъ вашъ, / яко ни скорбь, ни теснота, ни смерть // отъ любве Божія разлучити васъ не возмогоша.
|
